O musical Carme, sempre túa escrito por Manuel Brey, composto por Simón Couceiro e interpretado pola EMAE e a Banda Municipal da Estrada non para de darnos boas novas. Desta volta,  resultou finalista dos Premios Martín Códax da Música na categoría de Bandas de Música. Unha nominación que vén a referendar o talento estradense no eido das artes escénicas.  Xa podedes exercer o voto popular para apoiar a nosa candidatura.

 

Este sábado día 3 de maio a EMAE iniciará a súa andadura no ciclo UN CÓMICO NA ALDEA coa peza Celtas con filtro. Será en Orazo ás 20.00h.  O día 10 de maio, ás 20.00h, será a obra Sobre o mal que provoca o tabaco a que visite o teleclub de San Miguel de Castro. Xa o día 31 de maio, ás 20.30h, Celtas con filtro volverá a actuar no local social de San Xurxo de Vea. E no mes de xuño, o domingo 15, será a peza Sobre o mal que provoca o tabaco a que visite o local social de Tabeirós.