Mañá sábado ás 12.30h A EMAE participará no acto en homenaxe ao 150 aniversario de Manuel García Barros no Areal de Berres escenificando un par de fragmentos da peza Os seráns en Vilancosta. Contaremos coa presenza dos actores Abel Eiras, Chus Picallo e Toño Pena en tan emotiva distinción organizada polo Recuncho da Lingua. No acto inaugurarase unha peza escultórica en homenaxe a Manuel García Barros, Avelina Valladares e Marcial Valladares. Animádevos a acompañarnos!

Será a partir deste venres 20 de febreiro ás 20.00h no Teatro Principal da Estrada, unha actuación que servirá para abrir unha xira que levará á EMAE e Tequexetéldere que interpretan esta peza a participar nas Convergencias Galiza-Portugal 2026, concretamente no teatro Espaço Vita de Braga este sábado ás 21.30h e o sábado 28 no Cento Ágora da Coruña ás 19.30h. Unha ocasión inmellorable para coñecer o talante e a vida dunha muller irrepetible.