A xerencia e todo o profesorado da Escola Municipal de Artes Escénicas (EMAE) deséxalles a todos e todas as teatreiras de boa vontade, un feliz Nadal e un próspero Aninovo. Tras a celebración este ano do 20 aniversario da Escola, o vindeiro ano preséntase cargado de retos que farán do 2024, un ano repleto de grandes vivencias escénicas. 

 Tras asistir á función de Hugo, interpretada por Náugrafos Teatro, todo o alumnado da EMAE dos grupos infantil e xuvenil participou nunha charla cos actores María Roja e Jimmy Núñez. Durante a mesma, os asistentes tiveron oportunidade de coñecer por boca do reparto da obra, todos os pormenores que levaron a esta peza a ser galardoada co premio María Casares ao mellor espectáculo infantil do ano 2022.