Que grande nova! O xurado da Mostra de Teatro Afeccionado Labarta Pose escolleu as cinco obras finalistas que se representarán na súa quinta edición. Entre as cinco , figura a peza da Escola Municipal de Artes Escénicas da Estrada Sobre o mal que fai o tabaco, escrita por Anton Chejov. Unha peza dirixida por Santiago Cortegoso, protagonizada polo actor Gonzalo Valcárcel e na que colabora o Obradoiro de Música Moderna Carlos Barruso. Todo un estímulo para seguirmos enchendo de vida os escenarios! O 7 de maio, achegarémonos ao auditorio de Zas para participar na gran fiinal.

Despois do éxito o pasado mes de de febreiro en Braga (Portugal), este domingo día 27 de marzo ás 18.30h, a EMAE levará os seus Contiños da Terra ao Centro Cultural Auditorio de Cerdedo. A peza estará acompañada polas cantareiras de Tequexetéldere e o acordeonista vilagarcián Carlos da Silva. A entrada será de balde ata completar a capacidade da sala.