Detalles

Publicado: 09 Xullo 2015

A partir do 14 de setembro poderedes facer a vosa inscrición no novo curso da Escola. Os alumnos que xa estades matriculados para confirmar a vosa praza e os novos alumnos para solicitar o voso ingreso.

Contaremos con dous grupos infantís de 6 a 8 e de 8 a 10 anos. Dous xuvenís de 10 a 13 e de 14 a 17 anos; e un grupo de adultos a partir de 17 anos.

Reserva a túa praza nos teléfonos 647 41 19 70, 986 57 36 01 ou 986 57 09 97.

Máis información no apartado "Inscricións".

Detalles

Publicado: 16 Xuño 2015

LUNS 22, 20.30h

Grupos Infantís EMAE

Os dous grupos infantís únense para poñer en escena 101 DÁLMATAS. Un divertido musical interpretado por vintecinco nenos de entre seis e dez anos que terá lugar o vindeiro luns día 22 ás 20.30h. Colabora nas coreografías a Escola de Baile Sondodance a través das súas profesoras Irene Gago e Carla Díaz.

XOVES 25, 20.00h

Grupo Xuvenil 2 EMAE

En plenas festas de San Paio, tomarán o relevo, os 18 alumnos do Grupo Xuvenil 2 para poñer en escena ás 20.00h o musical de GREASE. O clásico, ambientado nos anos 50 e interpretado por John Travolta e Olivia Newton-John, contará tamén coa colaboración nas coreografías de Montse Barcala (Sondodance).

MARTES 30, 20.30h

Grupo Xuvenil 1 EMAE

O día 30 ás 20.30h é o día elixido para que o Grupo Xuvenil 1 poña en escena PIM PAM CLOWN, un espectáculo de creación colectiva interpretado por 16 alumnos que incluirá sketchs traídos do mundo do mimo e pequenas pezas dialogadas relacionadas co absurdo da guerra e da violencia. A peza está dirixida polo profesor Arturo Covas “Nono”.

Todas as pezas serán gratuítas ata cubrir aforo.