As clases da EMAE comezan en poucos días un novo curso. Concretamente, o curso de Teatro de adultos dará comezo o mércores 19 e os demais grupos faranno o sábado día 22. Neste enlace podes acceder á listaxe provisional de alumnos/as admitidos/as.
Este vindeiro venres o grupo de Adultos da Escola Municipal de Artes Escénicas celebra o seu fin de curso cunha proba de improvisación deportivo-teatral, dirixida por Anabell Gago, na que se lle renderá homenaxe á nosa lembradísima Lola Puente, antiga compoñente da agrupación. Unha actividade que estará centrada en distintas anécdotas compartidas coa actriz ao longo dos anos que formou parte do grupo. O espectáculo comezará ás 20.30h no Teatro Principal. A entrada será de balde ata completar a capacidade da sala. Non faltedes!