A EMAE, coa peza Os males que fai o tabaco, dirixida por Santiago Cortegoso, e protagonizada por Gonzalo Valcárcel coa colaboración do OMMCB vén de acadar dous premios na Mostra teatral de Zas Uxío Labarta, co premio ao mellor actor para Gonzalo Valcárcel e o 3.º premio á Mellor Obra de Teatro. Premios que supoñen unha enorme motivación e recoñecemento a un traballo de moitos anos.

Esta finde, o domingo día 29 de maio, os máis cativos da EMAE farán cadansúa exhibición de fin de curso. O grupo xuvenil 1 porá en escena ás 18.30h a peza UN DÍA DE PRAIA. Pola súa banda, o grupo xuvenil 2 porá en escena, ás 19.15h, a peza ACCIÓNS CONFINADAS. A entra será libre ata completar a capadidade da sala.